Þetta eru verkefni sem strákar í Ölduselsskóla gerðu um Árbæjarsafn dagana 31 maí til 1 júní. við fórum á Árbæjarsafnið 31 Maí og kynntumst lifnaðar háttum íslendinga í þá gömlu daga. Við vonum að ykkur líki við þetta verkefni og þið skemmtið ykkur við lesturinn.

Hér er hægt að sjá mælingu á bæjarhúsi sem staðsett er á Árbæjarsafni.
Við byrjuðum á því að heimsækja safnið og velja okkur hús sem gott væri að mæla. Bæjarhúsið eða gamli Árbær varð fyrir valinu. Við mældum með metrahjóli og málbandi og settum þetta upp í tölvutæku formi. Hér fyrir neðan er hægt að skoða mælingarnar og mynd af húsinu sem við mældum





Hér er mynd af gamla Árbænum sem við mældum


Símon og Atli í 8. AKÞ

1. Hvað getur þú sagt okkur frá í stuttu máli hvernig lífið var á þessum tíma ?
svar: Það þurfti að sjá fyrir sjálfu sér, byggja hús , sauma föt, búa sér til eigin mat sem kallast sjálfsþurftarbúskapur.

2.Hver var helsta atvinnan á þessum tíma ?
svar: Í sveit voru öll sveitarstörfin, þú bjóst til mat bæði fyrir þig og til að selja öðrum. Sveitarstörfin voru helstu störfin, aðal vinnan var að sjá fyrir sér.

3. Hvað gerði fólk til gamans ?
svar: Allir leikir / skemmtun var á kvöldin vegna þess að á daginn fór öll vinnan fram og ekki var tími þá til að leika sér. Fólk söng, las sögur, lék við börnin og skemmtu sér.

4. Hvað gastu kallað há laun á þessum tíma ?
svar: Ef að þú varst með laun voru þau ekki há. Aðal launinn í sveitunum voru að selja mjólkurvörur svo sem mjólk , smjör og rjóm. Það var ekki mikið um fólk í vinnu hjá öðru fólki aðal vinnan var að sjá fyrir sér.

5. En hvað voru lág laun ?
svar: Lítil sem enginn.

6. Er gaman að vinna hér ?
svar: Ótrúlega gaman.

7. Af hverju eru þið í búningum ?
svar: Það er ákveðin stemning í því, það væri asnalegt ef við værum í gallabuxum og adidas hettupeysum prjónandi í gömlu húsi.

8. Afhverju ákvaðstu að vinna hér ?
svar: Aðal ástæðan var sú að ég ólst upp rétt hjá og ég var alltaf á þessi svæði og eitt skipti vantaði konu til að mjólka og ég hafði verið í sveit og ákvað að bjóða mig fram og þannig fékk ég vinnuna þegar það barst út.

9. Hvað er safnið gamalt ?
svar: Árbær var byggður árið 1891 og safnið var byggt í kringum Árbæ árið 1957. Fyrsta flutta húsið hét Smiðshús og var byggt árið 1960.

10. Hvað koma margir á safnið á dag ?
svar: Frá 10 - 100 manns.

11. En á ári ?
svar: 35-40 þúsund manns.


Benedikt Haukur og Helgi Ragnar.

Á Árbæjar safni er eftirlíking af gömlu bílaverkstæði eins og þau hafa verið á um 20. öldina.  Þetta bílaverkstæði er talið vera sögulegt.  Húsið sjálft var upprunalega ekki bílaverkstæði en ytra útliti þess var breitt til að samræma ytra útliti gamals bílastæði.  Bílaverkstæðið var ekki bara eitthvað bílaverkstæði heldur var fyrsta almennilega bílaverkstæðið sem var byggt í Reykjavík.  Á bílaverkstæðinu má finna muni sem eru allt frá því að vera frá 1913, en þar er allskyns hlutir allt frá skiptilyklum til juðara, allt frá gömlum vélum til málmbræðslu grímna.  Inni í skúrnum eru bíll og mótorhjól. 

Bíllinn sem er inni á verkstæðinu er Ford Model B. Bíllinn er 1932 eð a1933 árgerð.  Hann var fluttur inn árið 1935 en hann var fluttur inn að Ingibergi Stefánssyni.  Ingibergur átti bílinn til ársins 1944 en þá keypti Guðmundur Björnsson veggfóðrari hann.   Árið 1963 fékk bíllinn en einn eigandann en það var að þessu sinni Ólafur Th Ólafsson.  Bíllin hefur haft fullt af bílnúmerum en meðal þeirra eru R499 og Y41, auk fjölda annarra.
                                     Axel og Ægir 

Það eru mörg söguleg hús á Árbæjarsafninu. Þau frægustu eru líklega Árbær, Dillonshúsið, Reykhólar, Hansenshús, svo einhver séu nefnd. Einnig eru frægir munir eða styttur þarna, t.d. apótekarsteinninn og konan með strokkinn.

Árbær: Bæjarhúsin í Árbæ er talin einu húsin á safninu sem eru á sínum upprunalega stað. Þessi hús sýna gamaldags sveitamenningu þessa samfélags. Talið er að fólk hafi flust þangað árið 1881.

Dillonshúsið: Reist árið 1835 á horni Suðurgötu og Túngötu. Maðurinn sem byggði það hét Arthur D.E. Dillon en húsið var skírt í höfuðið á honum. Dillon eignaðist barn með íslenskri konu, Sire Ottesen, en þau gátu ekki gifst þannig þegar hann fór frá Íslandi skildi hann eftir giftingarpeninginn og lét það í húsið. 

Reykhólar: Húsið var byggt árið 1925 að Kleppsvegi 26. Þar var Bújörð og fjölbreyttur landbúnaður. Þetta hús á að minna á að það var stundaður blómlegur landbúnaður á fyrri 20.aldar. Húsið lítur út fyrir að vera steypt en það er úr timbri. Reykhólar voru fluttir á Árbæjarsafnið árið 1965.

Hansenshús: Smiðshús Hansens var reist um 1923 og stóð austan við Dómkirkjuna þar sem Pósthússtræti 15 er núna. Það er bindingshús og er tígulsteinum hlaðið í bindingum. Fyrstu íbúar hússins voru Símon Hansen og fjölskyldan hans. Smiðshúsið var flutt á safnið árið 1960 en það er elsta húsið á safninu.

Apótekarsteinninn: Talið er að steinninn tengist verslunarstaðnum á Örfirisey á 17. Og 18. Öld  áður en að Reykjavík varð kaupstaður. Hann er 60 x 63 að ummáli. Hann var fluttur á safnið árið 1963.

Konan með strokkinn: Stytta eftir Ásmund Sveinsson. Hún er auðkenni Árbæjarsafns

Reynir og Kristófer

Við ákváðum að mæla fyrrverandi íþróttahúss ÍR/kirkju.

Við notuðum loftmynd á netinu til þess að mæla húsið. Það var um 8,4 metrar að lengd og um 22 metrar að breidd. Það var líka herbergi þar sem maður fór inn. Það var um 1,8 metrar að lengd og um 7 metrar að lengd. Íþróttahúsið var því samtals um 197,4 fermetrar að stærð. Húsið var um 5,5 að hæð og voru um 1,5 metrar efst í þakinu þríhyrningslaga. Herbergið þar sem maður fór inn var um 4. metra hátt. Samanlagt rúmmál var því um 1205,4 rúmmetrar. Það var einu sinni kirkjuturn á húsinu. Kannski var kjallari og hann hefði þá aukið rúmmál hússins en við nenntum ekki að athuga það. Þetta hús var byggt sem kaþólsk kirkja árið 1897 og var fyrsta kaþólska kirkja sem byggð var á landinu eftir siðaskiptin. Árið 1929 var núverandi Landakotskirkja byggð og var þetta hús því gefið Íþróttafélagi Reykjavíkur. Húsið var flutt á Árbæjarsafn árið 2005.

Leifur og Þorri

Á sýningunni Í húsi Krists og kappleikja er gerð grein fyrir hinum tveimur ólíku köflum í sögu eins húss á Árbæjarsafni. Fyrstu 30 árin var það kaþólskt guðshús en árið 1929 þegar ný kirkja hafði verið reist var ákveðið að Íþróttafélag Reykjavíkur (ÍR) fengi húsið að gjöf og starfaði það þar næstu 70 árin. Þá stunduðu þeir aðeins frjálsar íþróttir. Þar var slegið heimsmet sem stóð því miður ekki lengi. Það var mögulega í langstökki án atrennu sem ekki er keppt í lengur.
                                 Gummi og Sindri

Hlutafélagið Málmleit keypti borinn til Íslands árið 1922 til að bora eftir gulli í Vatnsmýrinni en því miður fannst ekkert gull. Hins vegar var borinn seldur Rafmagnsveitu Reykjavíkur sem árið 1927 byrjaði að bora eftir heitu vatni í Laugardal. Það virkaði og fyrstu húsin í Reykjavík fengu hitaveitu um 1930. Síðar var borinn notaður á ýmsum öðrum stöðum einnig til að bora eftir vatni allt til ársins 1965.  Gullborinn var fluttur í Árbæjarsafn árið 1977.
                                                                                            Gummi og Sindri